سلم الكنز

سلم  الكنز  

 حكينا ببوست سابق عن وقت طفلي خلال أيام المدرسة وكيف رغم بساطة النشاط والفكرة بس قدرت وصل لطفلي فكرة الوقت مع لعبة حماسية .. 

 فكرتنا كانت كل ما بيتحقق كل شي مكتوب بقلب النجمة بياخد الطفل نجمة ضاحكة .. إذا شي ما تحقق بيخسر النجمة .. قبل النوم لازم الطفل يكون حصل على 5 نجمات ضاحكة لأنه انا قسمت اليوم لخمس أوقات .. 

 منجي بسلم الكنز يلي بعتذر على بساطة المواد المستخدمة بس لوقتي الضيق حاولت اعمل لكنان شي عالسريع فكانت فكرة السلم من اللازق الورقي لونته تلوين عادي وبعدا عملت بين درجة ودرجة درجة صغيرة كتير .. 

 ببداية اللعبة لح يشوف الطفل نجمة صفرا واقفة بأول درجة من السلم .. كيف بتمشي وبتطلع درجة .. وهون رح قله انو وقت بتجي انت بآخر النهار وبتعطيني 5 نجمات ضاحكات يلي جمعتن بلوحة الوقت هون رح تطلع النجمة سلم .. وإذا كان معك أقل من 5 نجمات رح تطلع نص درجة وتوقف عند الدرجة الصغيرة .. إذا النجمة الصفرا 5 نجمات صغار بحركوها درجة كاملة عالسلم .. و أقل بطلعوها عالدرجة الصغيرة .. 

 شو هو الكنز ؟؟ 

 إما شي لعبة حلوة كتير ابنك عم يطلبها من فترة ممكن تكتبي اسمها ورا بطاقة الكنز .. وليوصل ليفتحا 

 ممكن تخبيلو ورا بطاقة الكنز مصاري 

 ممكن تقولي هي البطاقة انت حر ببيعها الي أو لابوك بالمبلغ يلي بدك ياه بس ما يتعدى مثلا 50 $

 ممكن تقولي هي بطاقة رابحة ومن خلالها ممكن انفذلك 3 طلبات انت بتطلبن 

 مناسبة جداً من عمر 4 سنوات إلى عمر 7 سنوات 

 في المكتبات لوحات كثيرة تشجيعية وجاهزة بس انا بميل انو الطفل يفكر يعمل شي من الأدوات الموجودة بغرفته و كل لعبة وقت تكون كبيرة وواضحة وهو صنعا كتير بيهتم فيها وبحبا وبحسا أحلى شي موجود ..

ولاء دركل