وقتي بالمدرسة

 فقرة أيادي مبدعة 

 وقتي أيام المدرسة 

 بلشت المدرسة وبلش الوقت يروح إذا ما ساعدنا أطفالنا بتنظيم وقتن رح يكون ملل وتلفزيون واي باد بعد المدرسة وبيجي وقت ونوم وراح النهار .. 

لهيك فكرت كتير كيف بلش مع كنان وشو البرنامج يلي اعتمدو .. البرامج كتيرة موجودة عالنت بس انا بميل لشي الطفل يصنعوا خطوة بخطوة .. 

 كتبنا كتير شغلات واقتراحات تكون متواجدة باليوم شي وافق عليها كنان شي لا متل انو حدد اكل بيضة يوميا هههه ومتل انو التلفزيون مافي داعي يكون اله وقت لأنه هو بميل الآي باد .. 

 قسمنا النهار لخمس أقسام .. نجوم كبيرة كتبنا عليها .. ونجوم صغيرة كتير رسمنا عليها وجوه حزينة ووجوه سعيدة .. 

 فترة الصباح بدي ياها تمر بسلام هههه لهيك أهم شي تنظيف الأسنان ترتيب التخت اللبس والفطور إذا كان وقت الفطور هادي واتحقق المكتوب بيحصل على وجه سعيد .. إذا لا وخل بأحد الشروط وبصير وجه حزين .. ليه لأنه عمر ابني يلي هو خمس سنين بيمشي الطفل بهالاسلوب وبيتعود انو يتحمل نتيجة تصرفاته ... بس انا عملت شغلتين مناح ايه بس الشغلة التالتة عملت مشكلة وصار وقت الصبح مو حلو ...  طبعا الأصغر عمرا بكون لكل فعل نجمة 

 وقت الضهر يلي اول مايرجع بهمني نقعد ولو ربع ساعة قلك شو عملت انا وتقلي انت شو عملت مابصير تركض فورا عالاي باد لا عنا جلسة حكي هههه بعدا في استراحة انت حر فيها بعدا وقت الغدا يلي لازم يمر بهدوء وتاكل كل اكلك .. اتحقق كل شي صار عنا وجه سعيد تاني .. 

 وهكذا حتى بالليل قبل ما نام بدنا نشوف إذا عنا 5 نجوم ضحكانة هون ماما رح تعطينا نجمة كبيرة مختلفة ونعلقا عورقة الكنز يلي رح تمشيني خطوة للكنز( يلي رح احكي عنا ببوست منفصل ) كان عنا شي نجمة زعلانة رح امشي مشية كتير كتير قصيرة باتجاه الكنز .... 

 نشاط بخلي الطفل متحمس يوم بعد يوم حتى يوصل للكنز يلي رح احكي عنه قريبا .. وهيك بقسم وقت ابني بطريقة مالا كتير صعبة وما بتحمليه مسؤوليات كبيرة .. 

ولاء دركل