مذكرات عائلة مع نور الأشقر . 29 .
يا ولااااد يا شاطرين.. اليوم جاية لعنا تيتة و خالو وائل و ابنو الصغيوور الحلو..
غرفتكن كلللها كراكيب و فوضى.. روحو رتبوها سوا.. و إلا ما فينا نستقبل الضيوف
المسلم النظيف غرفتو نظيفة و مرتبة..
نطو هالولاد عن الأرض مترين من فرحهم بزيارة هالبيبي الصغير..
و بعد ساعتين..
رن الجرس معلن وصول البهجة و الفرح.. و تراكضنا نحنا الكل لنفتح الباب و ناخد أول بوسة من هالعصفور الحلو
و المدللين ركضو لحضن تيتة و جدو الله لا يحرمنا حنيتهم..
حطينا الغدا و ولا أطيب من سفرة مع الحبايب..
و هالصبي بدا يبكي و ما يخلي أمو تعرف تاكل ..
ــ يا ترى البامبرز بدها تبديل؟
ــ لا لا من شوي بدلتها..
ــ بدو يرضع؟ كمان لا.. رفض و ضل عم يبكي..
كانو يقولو انو الولد بيبكي يا جوع يا موجوع.. و لازم يضيفو عليها.. يا أما مزاجو منزوع..
قامت ماما و اخدتو و قالتلي " ريحان عطيني زيت نارنج أو زيت أطفال بيمشي الحال"
اخدتهم و دفتهم جنب الدفاية شوي و كشفت تيابو.. حطت قطرات زيت على بطونو الصغير و بدت تدلك المكان بمساج ناعم..
كررت التدليك عالظهر و الرجلين و باقي الجسم..
خفت حدة البكا.. و بدا هالصبي يروق و ينبسط..
ـ عم تتدلل يا ضرسان
و الله بيلبقلك..
ــ بنتي الله يرضى عليكي.. كل يوم ساويلو هالمساج بزيت دافي.. كتير مفيد
لو في مغص بتساعد انو يخف.. و بتمرن عضلات الجسم لأنو الرضيع لسه ما بيتحرك.. اي الكبير بيوجعو جسمو من القعدة.. كمان الولد.. تحريك جسمو بيفيدو..
ــ خبرة يا ماما تسلم دياتك..
نام الحلو شوي.. و خلصنا غدا و اجت مرت اخي تساعدني بضب المطبخ..
مسكت ايديي و قالتلي..
ــ ريحان.. ليه هيك ايديكي خشنين
ـْ من هالشغل يا حبيبتي.. ليش بيخلص؟ ما بيخلص
ــ مرت الصيدلي و أبو الكريمات هيك ايديها.. شو يحكو البقية؟
ــ و الله أيمن جبلي كريم منيح بس بدو مداومة و استمرار و انا بحطو يوم و بنساه سبعة..
و ماسكات البيت ما لي خلق ساويهن
ــ تعي لاعملك ياهن بوصفة طبيعية تخلي أيمن يرمي كللل كريماتو و يوصفها بدالهن..
ــ ضحكتيني يبعتلك الهنا شو هالوصفة..
أخدت شوية زيت زيتون و دهنت ايديي فيهم منيح و بعدها جابت سكر.. تحط شوي على ايدي و تفركها بلطف لمدة 4 دقايق تقريبا..
بعدها غسلتهم بالمي و الصابون.. و متل السحر.. كأنهم مو ايدي... صارو بمتل نعومة ايدين البيبي
يا سلااام عالدلال.. حسيت حالي راجعة من صالون سبا
يسلمو دياتك يا مرت اخي الحلوة
ابتسمت و قالتلي " لا تنسي حالك بزحمة الشغل و البيت و الولاد.. مو بس ولادنا عم يكبرو.. و نحنا كمان..
تفاصيل صغيرة متل هي بتجدد نفسيتك.. و هالشي بينعكس إيجابا على بيتك و عالولاد..
انتي كمان لأنك أم عظيمة بتستاهلي الدلال.. بتستاهلي تضلي حلوة بعيون ولادك و زوجك قبل عيون الناس..
كلنا منفرح لما نهتم بحالنا أو حدا يهتم فينا
بس مشكلتنا انا منغرق بمشاغلنا و مننسى نهتم بحالنا و مننسى نعطي اللي حوالينا حصتهم من الاهتمام
مع انا منكون بحاجتها و يمكن هن كمان بحاجتها.. بتسعدنا و بتسعدهم.. و بتفرق كتير
يتبع...
يا ولااااد يا شاطرين.. اليوم جاية لعنا تيتة و خالو وائل و ابنو الصغيوور الحلو..
غرفتكن كلللها كراكيب و فوضى.. روحو رتبوها سوا.. و إلا ما فينا نستقبل الضيوف
المسلم النظيف غرفتو نظيفة و مرتبة..
نطو هالولاد عن الأرض مترين من فرحهم بزيارة هالبيبي الصغير..
و بعد ساعتين..
رن الجرس معلن وصول البهجة و الفرح.. و تراكضنا نحنا الكل لنفتح الباب و ناخد أول بوسة من هالعصفور الحلو
و المدللين ركضو لحضن تيتة و جدو الله لا يحرمنا حنيتهم..
حطينا الغدا و ولا أطيب من سفرة مع الحبايب..
و هالصبي بدا يبكي و ما يخلي أمو تعرف تاكل ..
ــ يا ترى البامبرز بدها تبديل؟
ــ لا لا من شوي بدلتها..
ــ بدو يرضع؟ كمان لا.. رفض و ضل عم يبكي..
كانو يقولو انو الولد بيبكي يا جوع يا موجوع.. و لازم يضيفو عليها.. يا أما مزاجو منزوع..
قامت ماما و اخدتو و قالتلي " ريحان عطيني زيت نارنج أو زيت أطفال بيمشي الحال"
اخدتهم و دفتهم جنب الدفاية شوي و كشفت تيابو.. حطت قطرات زيت على بطونو الصغير و بدت تدلك المكان بمساج ناعم..
كررت التدليك عالظهر و الرجلين و باقي الجسم..
خفت حدة البكا.. و بدا هالصبي يروق و ينبسط..
ـ عم تتدلل يا ضرسان
و الله بيلبقلك..
ــ بنتي الله يرضى عليكي.. كل يوم ساويلو هالمساج بزيت دافي.. كتير مفيد
لو في مغص بتساعد انو يخف.. و بتمرن عضلات الجسم لأنو الرضيع لسه ما بيتحرك.. اي الكبير بيوجعو جسمو من القعدة.. كمان الولد.. تحريك جسمو بيفيدو..
ــ خبرة يا ماما تسلم دياتك..
نام الحلو شوي.. و خلصنا غدا و اجت مرت اخي تساعدني بضب المطبخ..
مسكت ايديي و قالتلي..
ــ ريحان.. ليه هيك ايديكي خشنين
ـْ من هالشغل يا حبيبتي.. ليش بيخلص؟ ما بيخلص
ــ مرت الصيدلي و أبو الكريمات هيك ايديها.. شو يحكو البقية؟
ــ و الله أيمن جبلي كريم منيح بس بدو مداومة و استمرار و انا بحطو يوم و بنساه سبعة..
و ماسكات البيت ما لي خلق ساويهن
ــ تعي لاعملك ياهن بوصفة طبيعية تخلي أيمن يرمي كللل كريماتو و يوصفها بدالهن..
ــ ضحكتيني يبعتلك الهنا شو هالوصفة..
أخدت شوية زيت زيتون و دهنت ايديي فيهم منيح و بعدها جابت سكر.. تحط شوي على ايدي و تفركها بلطف لمدة 4 دقايق تقريبا..
بعدها غسلتهم بالمي و الصابون.. و متل السحر.. كأنهم مو ايدي... صارو بمتل نعومة ايدين البيبي
يا سلااام عالدلال.. حسيت حالي راجعة من صالون سبا
يسلمو دياتك يا مرت اخي الحلوة
ابتسمت و قالتلي " لا تنسي حالك بزحمة الشغل و البيت و الولاد.. مو بس ولادنا عم يكبرو.. و نحنا كمان..
تفاصيل صغيرة متل هي بتجدد نفسيتك.. و هالشي بينعكس إيجابا على بيتك و عالولاد..
انتي كمان لأنك أم عظيمة بتستاهلي الدلال.. بتستاهلي تضلي حلوة بعيون ولادك و زوجك قبل عيون الناس..
كلنا منفرح لما نهتم بحالنا أو حدا يهتم فينا
بس مشكلتنا انا منغرق بمشاغلنا و مننسى نهتم بحالنا و مننسى نعطي اللي حوالينا حصتهم من الاهتمام
مع انا منكون بحاجتها و يمكن هن كمان بحاجتها.. بتسعدنا و بتسعدهم.. و بتفرق كتير
يتبع...
نور الأشقر
