بؤبؤ العين
اليوم رح نحكي عن شي مختلف و تجربة جديدة رح يحبوها الولاد و يندهشو و هنن عم يجربوها و يعيدوها كذا مرة
تجربتنا اليوم مناسبة من عمر الستة تقريباً للعشرة .
تجربتنا اليوم مناسبة من عمر الستة تقريباً للعشرة .
كل يلي منحتاجو هو مراية و بس.
بتعرف شو لون عيونك
اي لون عيوني بني
طيب بتعرف شو اسم الجزء الاسود بعيونك؟
ممممم اسمو حدقة العين أو البؤبؤ
بتعرف ان البؤبؤ بعيونا ممكن يتسع و يضيق حسب الإضاءة ..
عن جد كيف ؟
أنا بقلك كيف
حنفوت ع غرفتنا و نسكر الباب و نطفي الأضوية و نسكر الشبابيك و نخلي نتفة ضو بس حتى نقدر نشوف عيونا بالمراية حنلاحظ ان حجم بؤبؤ العين كبير و واسع و كبير ....
حنفوت ع غرفتنا و نسكر الباب و نطفي الأضوية و نسكر الشبابيك و نخلي نتفة ضو بس حتى نقدر نشوف عيونا بالمراية حنلاحظ ان حجم بؤبؤ العين كبير و واسع و كبير ....
طيب شو بيصير اذا شعلنا الضو حنلاقي ان بؤبؤ العين حيصغر حجمو و يديق ....
وااااااو ....
ماما طيب ليش هيك عم يصير
ماما طيب ليش هيك عم يصير
حدقة العين أو البؤبؤ رغم حجمو الصغير بس مهمتو و وظيفتو مهمة كتير .
عندو القدرة و الاستطاعة أنو يتسع أو يضيق حتى يسمح للقدر الصحيح من الاضاءة أنو تفوت لعيوننا حتى نتمكن من الرؤية .
لما يتسع و يكبر بيكون البؤبؤ عم يفوت ضوء أكتر لنقدر نشوف لأن الضوء المحيط فينا ضعيف و خافت...
بينما لما يكون الضوء المحيط فينا قوي رح يديق البؤبؤ و يسمح لقدر صغير من الاضاءة أن تفوت لعيونا ...
بينما لما يكون الضوء المحيط فينا قوي رح يديق البؤبؤ و يسمح لقدر صغير من الاضاءة أن تفوت لعيونا ...
(سبحان الله )
ممكن نعيد التجربة و نجلس مقابل بعض و نحنا عم نطلع على عيون بعض و نغمض عيونا لعشرين ثانية مثلاً بعدين نفتح حنشوف كيف بؤبؤ العين بيبدأ يديق ع حسب الإضاءة الموجودة ...
بتمنالكون وقت ممتع و مفيد مع أطفالكون
داليا المصري
