اشتقتلكم و شتقت لدردشة معكم ، طبعاً و متل كل سنة بنطر كتالوج ايكيا بفارغ الصبر و اول ما بينزل بركض عايكيا مشان اخد واحد و امن عليه لشوف شوفي جديد عندون .....
اليوم حابة احكيلكم عن كم شغله لفتت نظري بلكتاوج من ناحية التخزين و من ناحية الجمالية كمان و ممكن تنفيذها بكل سهولة للامهات المتواجدات في بلاد مافيها ايكيا ....
اكتر شي لفت نظري و حبيته سجادة مقاومة للبقع و سهلة تنظيف حبيت فكرتها كتير مناسبة لغرفة الاطفال و بتوقع كل ست بيت لح تحب يكون عندا متل هي السجادة ....
و لي لفت نظري كمان خيارات التخزين المتواجدة ، متل كرسي التخزين لونه حلو و تصميمه كتير خيار مثالي لغرفة الطفل و لتخزين بنفس الوقت العابه او اي شي تاني
و لح اترككم مع بعض خيارات التخزين المتواجدة بايكيا كمان لفتت نظري
و لغرفة الاطفال فينا نستخدم غطاء الكرسي المرتفع ، شكله حلو و لين عند الجلوس، ويضفي لمسة لونية ، يمكن غسل هذا الغطاء في الغسالة، كما يمكن تركيبه ونزعه بسهولة.
خيمة للطفل فوق السرير او فينا نخصص مكان للاطفال عن طريق تعليق الخيمة مع وضع سجادة بسيطة تحت الخيمة و هيك منخصص للطفل زاوية للقراءة او للعب بشكل انيق و منسق
حبيت افكار عن مظلة السرائر يلي حاطينا كتير حلوة هلق مو كلها من تصميم السنة في منها قديم بس خيارات حلوة و متنوعة
و طبعاً مالح انسى كرسي المعلق مع الوسادة الهوائية لاسترخاء الطفل و الاستمتاع ، الكرسي ١٠٠٪ من القماش و يمكننا غسله يدوياً ، تصميمه بسيط انيق و ممتع بنفس الوقت حبيت فكرة تصميمه على شكل حضن الام او جيبة الكانغرو او عش العصفور تبعث الراحة و الطمأنينة لنفسية الطفل .
و اخيراً و ليس اخراً مقعد اضاءة او المقعد المضيء كتير حبيت تصميمه و فكرته و الحلو فيه انه داخلي و خارجي بنفس الوقت يعتي يستخدم لغرفة النوم و للبلكون او الحديقة كمان ...
و مالح اقدر انهي جلستنا اليوم من دون ما اذكر الساعة الحائط ذات لوح الطبشور ، حلو انه الطفل يقدر يعبر و يرسم ارقام الوقت بمفهومه ، يمكن يعمل الارام عشكل نجمة و غيمة و شمس و قمر.. الخ الخ
ربا الخامس
