قصة اليوم مذكورة بالقرآن الكريم بسورة الكهف
كان يا ماكانوبقديم الزمان بمكان بعيد وقبل الاسلام .. كان في رجلين أصدقاء كتير .. بس واحد كان كافر جاحد بنعم الله والتاني مؤمن كتير بالله عز وجل ..
الرجلين مانو أغنياء كتير يعني معن مصاري كتير .. كان المؤمن يساعد الفقراء بالمصاري يلي معه و ينفق كل ماله بسبيل ارضاء الله سبحانه وتعالى ..
أما الرجل الكافر اشترى بمصاريه بساتين كتيرة فيها أعناب و نخل وزروع وأنهار وثمار وكانت هالبساتين مكان حلو كتير للتنزه ..
مرة من المرات كانو عم يتمشوا ببستان الرجل الكافر .. فقلو الرجل الكافر لرفيقه المؤمن بكل غرور وتكبر وشوفة حال ..
(( أنا اكثر منك مالا .. مابصرف مصاري عشغلات مالا مهمة .. انا بشتري بساتين مثمرة مو متلك انت بتروح كل مصاريك هشغلات مالا مهمة وما بتفيدك .. شوف هالبساتين شو حلوة هي البساتين مستحيل اخسرها او يصرلا شي .. شوف قديه فيها انهار وثمار واشجار مة ممكن يصير شي لهي البساتين لانه فيها كل الشغلات المهمة ..
حكى هالكلام بطريقة ما حلوة وكان عندو ثقة انو هو يلي عم يحميه هالبساتين وانو ماحدا بيقدر يسبب الضرر لهالبساتين وأصلا هالبساتين رح اتضل دائما موجودة كل العمر لانه مافي مافي يوم القيامة واذا فيه يوم القيامة الله رح يعطيني اكتر بكتير من ما عطاني بالدنيا ..
جاوبه صاحبه المؤمن وقال ..
(( بس انا بفكر بعكس ما انت بتفكر وبعتقد عكس اعتقادك .. الله هو ربي ولا بعبد حدا سواه .. وهو يبعث الأجساد وبعيد الامرات ولا شريك له في خلقه ولا ملكه ولا اله الا هو ..
وانت بدل ما تحكي هالكلام يلي قلتو كان لازم تقول اول ما تفوت للبستان .. ماشالله لا قوة الا بالله .. وانشالله الله بيطعمني بالآخؤة احسن مما طعمك والله قادر انو يدمرلك كل شي عملته بأمر منه.. ))
بعد هاليوم هاد بفترة كتير قصيرة نزل من السماء مطر قوي كتير كتير كتير اقتلع الاشجار والزروع يلي موجودة ببستان الكافر وصارت كل بساتينو عبارة عن تراب املس فقط ومافي شي تاني ابدا وقد ماعمل مستحيل يقدر يرجع هالبساتين متل ما كانت قبل ..
وقت شاف كل هالدمار صار بهالبساتين اتذكر كلامه يلي قالو وقت قال انو ما حدا بيقدر يؤذي هالبساتين .. وكيف كفر بالله العظيم وعرف انو هو كتير ضعيف قدام الله سبحانه وتعالى ولو كان معه مصاري كتير كتير ..
ندم كتير على كل شي قاله وآمن بالله العلي القدير ..
قصة اليوم بتعلمنا انو قد قد ماكنا قواية بالحياة الدنيا بصحتنا او معنا مصاري كتير او كنا بمرتبة عالية ممكن يجي يوم كل شي نخسره بثانية وما يكون معنا شي الا رضى الله علينا وتوكلنا عليه بكل كل حالاتنا .. مالازم ننسى وجود الله وقدرته وانو نتوكل عليه دايما ..
نشاط القصة :
ارسم بستان الرجل الكافر قبل ما تنزل الأمطار القوية وبعد
اكتب على ورقة تانية ماشالله لا قوة الا بالله
قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل
