قصة أصحاب الفيل

#اليوم_الثالث_عشر_رمضان2017

قصة اليوم 

 قصة أصحاب الفيل

•  قصة اليوم مذكورة بسورة الفيل .
•  كان يا ماكان بقديم الزمان بوقت قبل الاسلام و ببلاد اسمها اليمن
• قام والي اليمن واسمه ابرهة الحبشي ببناء كنيسة كبيرة كتير وكان بده العرب كلها تجي على هل كنيسة وتصير تزورها بدال 

الكعبة بيت الله الحرام

• وقرر انه لازم يهدم الكعبة وبالفعل جهز جيش عظيم وحط بمقدمته فيل ضخم كتير وتوجه باتجاه مكة
• وع الطريق حاولت بعض القبائل العربية تواجه هالجيش لكنها جميعها فشلت وخسرت المعركة
• وبمكان بين الطائف ومكة بعت ابرهة كتيبة من جيشه لحتى تستولي على بعض الغنائم من مكة وكان من بين هالغناىم مئتين راس بعير لعبد المطلب بن هشام(جد النبي صلى الله عليه وسلم ) وكبيرقريش وسيدها
• وبهالوقت بعت ابرهة رسالة لعبد المطلب خبره فيها أنه مو جاية ليحارب وإنما جاية بس ليهدم الكعبة
• فكان جواب عبد المطلب انو نحنا كمان مابدنا الحرب وهذا بيت الله وبيت خليله ابراهيم وماحدى بيقدر يحمي هالبيت غير ربه
• وفورا راح عبد المطلب لمقابلة ابرهة

• ولما وصل لعنده احسن ابرهة استقبله واكرمه وسأله عن سبب مجيئه لعنده
• فقله عبد المطلب جاية بدي ياك ترجعلي الميتين رأس بعير

• هون كتير انصدم ابرهة معقول انا جاية اهدم الكعبة وانت عم تسألني عن بعير
• فكان رد عبد المطلب أنا صاحب هدا المال ولازم دافع عنه اما الكعبة فهي لله والله قادر يحمي بيته
• ولما وصل ابرهة وجيشه لمكة رفض الفيل من دخول مكة وقعد ع الارض
• كتيىر حاولو يقوموه وصارو يضربوه ويغزوه بالسيوف لكنه ضل رافض يقوم
• حاولو يوجهوه بغير اتجاه فقام وصار يركض أما باتجاه الكعبة فكان يرفض يتحرك
• وهون اجا أمر الله بحماية بيته الحرام واهلاك الكافرين
• فأرسل الله عليهم جماعات من الطير وكل طير معه تلات حجرات وحدة بتمه وتنتين برجليه وكان هالحجر بقد حبة الحمص والعدس لكنها كانت من نار
• ولما رموها ع لجيش هلك كله مع قائده وصارت أجسامهم متل كأنها ورق الشجر الجاف المتكسر
• وهيك حمى الله بيته الحرام وأهلك الكافرين
• ولا ننسى انو بنفس هالعام ولد سيدنا محمد صلى الله عليه وسلم. 

 نشاط القصة 

رسم تخيلي لجيش ابرهة بقيادة الفيل ومقارنة باشكالهم قبل وبعد الهلاك
قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

الفتاح (أسماء الله الحسنى)

#اليوم_الخامس_عشر_رمضان2017

 رسالة اليوم

هل تعلم أن في شهر رمضان وقعت معركة بدر الكبرى شهر رمضان ؟
أحبك كثيرا وفخورة بك
لاتنسى صدقة اليوم .
 سؤال اليوم 
متى يفطر الصائم ؟
أحبك كثيرا وفخورة بك
لاتنسى صدقة اليوم .

نشاط اليوم 

قم بصنع هذه الزبنة الجميلة

 اسم اليوم 

الفتاح

اسم الله الفتاح له عدة معاني

•  يرجع إلى معنى الحكم أي الذي يفتح بين عباده ويحكم بينهم بشرعه بما شاء ويقضي فيهم بما يريد ويمن على من يشاء منهم بما يشاء لا راد لحكمه ولا معقب لقضائه وأمره
•  الفتاح أي فتحه لعباده جميع أبواب الخيرات ومنافع الدنيا والدين فيفتح لمن اختصهم بلطفه وعنايته أقفال القلوب مايصلح أحوالهم ، ويفتح على اعدائه ضد ذلك وذلك بفضله وعدله
•  الفتاح الذي يفتح أبواب الرزق والرحمة لعباده أجمعين، ويفتح المُنغلق عليهم من أمورهم وأسبابهم
• الفتاح الذي يفتح أبواب الامتحان والبلاء للمؤمنين الصادقين، فالله عزَّ وجلَّ يُرسل إليك في كل ثانية من عمرك رسالة فإما أن تفهمها وإما أنك تغفل عنها فتكون عقوبة الغافل أن تزداد عليه المحن والابتلاءات لعله يُفيق من غفلته، فتأتيه الابتلاءات من كل الطرق يُبتلى في بيته وفي عمله ورزقه وحتى فيما بينه وبين نفسه فيشعر بالوحشة، ويظل يُبتلى حتى يعود
• فكل هذه من آثار هذا الاسم ومقتضياته
•  فإذا علم العبد ذلك عليه يعتمد على الله قبل الأخذ بالأسباب وأن يطلب منه وحده مفاتيح الخير وأن يكون مفتاحاً للخير مغلاقاً للشر فيكون مباركًا حيث ما كان ويظل طوال الوقت يُفكِّر في أفكار وطرق لهداية الناس من حولك، وتفتيح أبواب الخير أمامهم.
• اللهم يا فتاح افتح لنا أبواب رحمتك وخيرك ورزقك واجعلنا بفضلك من عبادك الصالحين.

•  لمعرفة طريقة اعطاء الطفل اسماء الله الحسنى اذهبي لموقعنا www.walaadarkal.com أيقونة طفلي المسلم ثم الذهاب لقسم باسم نحيا .

 دعي طفلك يكتب جواب سؤال اليوم على دفتره الرمضاني الخاص .
 لا تنسي مكافئته بعد صيامه .

#ولاءدركل
#للطفولةعنوان

تابع القراءة.. »

قصة أصحاب الرس

#رمضان2017

 قصة اليوم 

 قصة أصحاب الرس 

كان يا ماكان بقديم الزمان وقبل الإسلام ما يجي ..
اليوم رح نحكي عن قوم كانو يعبدوا شجرة الصنوبر .. وكان الهن ١٢ قرية على شاطئ نهر بينقال عنه نهر الرس وهالنهر كان غزير كتير وعذب .. شجرة الصنوبر يلي كانو يعبدوها كانت كبيرة وحلوة وضخمة ... وبكل قرية من هالقرى زرعوا حبة الطلع من هالشجرة الكبيرة وصار بكل قرية شجرة صنوبر من هالشجرة الكبيرة ..
وخلو فرع من هالنهر يسقي شجر الصنوبر ومنعوا العالم تشرب منه لأنه اعتبروا انو هالنهر بيعطي حياة للإله تبعن .. واي حدا بيشرب من النهر بيقتلوه ..
كانو يخصصوا يوم من كل شهر يجتمعوا فيه تحت الشجرة ويذبحوا قربان للشجرة بقرة او شاة .. ويشعلو حطب ووقت يصير في دخان كتير كتير يفصل بينن وبين السما ، يخروا ساجدين ويبكوا ويطلبوا من الشجرة انو ترضى عنن ..
ولما طال كفرن بالله عز وجل بعث الله الهن نبي من بني اسرائيل .. فضل زمن طويل هو وعم يدعيهم ليعبدوا الله عز وجل وانو الشجرة الله هو يلي خلقها .. بس ابدا ماكانو يستجبوا .. فوقت شاف انو ابدا ماعم يستحيبوا دعا لله انو يبس الشجر ..
وفعلا فاقوا تاني يوم وشافو شجرة الصنوبر وكل الشجر التاني يبسان ...!!
شو بتتوقعوا يصير ؟ رح يآمنوا ياترى ؟
بكرا منعرف شو رح يصير بأصحاب الرس ..

 نشاط القصة 

رسم شجرة صنوبر والبحث عن معلومة عن الصنوبر
 قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

قصة أصحاب الرس 2

#اليوم_السابع_عشر_رمضان_2017

 قصة اليوم 

 قصة أصحاب الرس 2

وقت فاقو الصبح وشافو شجر الصنوبر يبسان كتير زعلو وعصبوا وانقسمو فريقين .. فريق قال انو السبب الرجل يلي اجا يدعيهم لعبادة غير الشجرة يعني قصدن نبي الله ..وقت ما قبلو سحر الشجر وهيك صار فيهن ..
الفريق التاني صارو يقولو انو الشجر هيك عمل بحالو لانه زعل من هاد الرجل ( نبي الله )
وبعد تفكير طويل قرروا انو يقتلو نبي الله .. لانه فكروا اذا قتلوه رح يرجع الشجر ويرضى عنن لانه عملو هيك ..
وفعلا حفروا حفرة وحطوا نبي الله فيها وحطوا فوقه صخرة كبيرة لحتى يموت ..
صار يدعي النبي الله سبحانه وتعالى انو يارب انت شايف مكاني الضيق وقلة حيلتي ووضعي الصعب .. يارب موتني ..
وفعلا مات نبي الله ..
وباليوم يلي هنن عم يحتفلوا بعيدن الله بيبعت ريح قوية كتير لونا احمر كتير كتير قوية واصحاب الرس خافوا كتير منها وبعدا الارض بتصير سخنة كتير كتير كتير وبتحرقن و الله بيرسل غيمة سودا بيهطل منها جمر عليهن .. وهيك الله عاقبن على كفرن بعد ماعطاهن وقت كتير انو يفكروا ويختارو الطريق الصحيح .

 نشاط القصة 

رسم شجر الصنوبر قبل اليباس وبعده
قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

قصة الملك سليمان والنملة

#اليوم_الرابع_رمضان_2017

 قصة اليوم 

 قصة الملك سليمان والنملة 

 قصة اليوم مذكورة بالقرآن الكريم في سورة النمل
كان يا ماكان بمكان بعيد ومن وقت طويل وقبل الاسلام بكتير ..
سيدنا سليمان يلي هو نبي الله وهو ملك عادل ومعه مال كتير كتير طبعا لأنه الملك
غير انو كان نبي وملك .. كان الله خاصه بشغلة كتير حلوة ومهمة وغريبة انو هو قادر يفهم على كل الحيوانات وقت بيحكو وبيقدر يحكي معن كمان .. لانه الله سخر له الجن والانس والطير وخلاهن كلن تحت أمره وعلمه لغتن .. اتخيل بيقدر يحكي مع كل كل الحيوانات وبيفهم عليهن
بيوم من الأيام طلب سيدنا سليمان من جنوده يلي هنن الانس والجن والكير والدواب انو يوقفو بصفوف منتظمة ويمشوا وراه استعدادا للسفر وكان لازم يمشوا مسافات طويلة ..
وفعلا وقفوا كل هالجندو هي بطريقة منتظمة ورا سيدنا سليمان وبلشو بالمسير ..
هنن وعم يمشوا مروا على وادي .. ومين ساكن بالوادي يا ترى ؟؟؟
مجموعة نمل كتار كتار كتييرر .. كانت مملكتن يعني بيوتن بقلب هالوادي .. وكانو كلن عم يشتغلو ويشتغلو ومالن منتبهين .. الا نملة واحدة قاعدة على جنب ما عم تشتغل ..
فجأة سمعت صوت بعيد وبعدا شافت سيدنا سليمان معه جيشه الكبير .. وهو فورا فورا صرخت بصوت عالي وقالت لرفقاتها .. انتبهووووووااااا الملك سليمان وجنوده جايين انا شايفتن عم يقربوا .. بسرعة فوتو للمملكة بركي دعسوا علينا ونحن مالنا منتبهين .. بسرعة بسرعة ..
وهون قدر سيدنا سليمان انو يسمع هالنملة وشو عم تقول وشو عم يردوا عليها رفقاتها .. ابتسم وأمر جنوده انو يمشوا ببطئ وانتباه بين مايفوت كل النمل على بيتو وماحدا يصرلو شي .. بعدا رفع ايديه للسما وشكر الله سبحانه وتعالى على هالنعمة هي يلي حصه فيها ..
 من هالقصة القصيرة منتعلم كتير كتير شغلات ..
منتعلم من النملة انو هي نملة بتحب رفقاتها واهلها وبتخاف عليهن .. وقت حست في خطر عليهن فورا قالتلن ونبهتن ماراحت لحالا واتخبت ..
 منتعلم من سيدنا سليمان شكر الله على نعمه .. متل ماوشفنا بعد عالموقف فورا شكر الله .. وهيك نحن لازم نعمل .. نشكر الله عند كل نعمة منشعر فيها ..

 نشاط القصة 

 ارسم وادي النمل والنملة الشجاعة وبعض الحيوانات يلي كانت مع سيدنا سليمان
 قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

البصير (أسماء الله الحسنى)

#اليوم_الخامس_رمضان_2017
 رسالة اليوم 

هل تعلم ان في الجنة باب اسمه باب الريان يدخل منه الصائم
أحبك كثيرا وفخورة بك
لاتنسى صدقة اليوم .
 سؤال اليوم 
ما هي أطول سورة في القرآن الكريم ؟

 نشاط اليوم 

قم بصنع هذه المنفاخ الورقي الجميل

 اسم اليوم 

البصير

• البصير .. ومعناه :الذي أحاط بصره بجميع المبصرات في أقطار الأرض والسموات، فيرى دبيب النملة السوداء على الصخرة الصماء في الليلة الظلماء. وجميع أعضائها الباطنة والظاهرة، وسريان القوت في أعضائها الدقيقة، ويرى سريان المياه في أغصان الأشجار وعروقها، وجميع النباتات على اختلاف أنواعها وصغرها ودقتها، ويرى نياط عروق النملة والنحلة والبعوضة وأصغر من ذلك. ..
•  أن الله - تبارك وتعالى - بصيرٌ بأحوال عباده، خبير بصير بِمَن يستحقُّ الهداية منهم ممَّن لا يستحقُّها، بصير بمن يصلح حاله بالغِنَى والمال وبمن يفسد حاله ببساطة ذلك المال .
•  لمعرفة طريقة اعطاء الطفل اسماء الله الحسنى اذهبي لموقعنا www.walaadarkal.com أيقونة طفلي المسلم ثم الذهاب لقسم باسم نحيا .
• دعي طفلك يكتب جواب سؤال اليوم على دفتره الرمضاني الخاص .
•  لا تنسي مكافئته بعد صيامه .

#ولاءدركل
#للطفولةعنوان

تابع القراءة.. »

قصة سبأ

#اليوم_السادس_رمضان2017

 قصة اليوم 

 قصة سبأ 

 قصة اليوم الها سورة كاملة بالقرآن اسمها سورة سبأ وهالشي بدل على قديه القصة مهمة ..
كان يا ماكان في قديم الزمان .. بمكان وقبل ما يجي الاسلام ..
سبأ هو اسم رجل سميت قبيلته باسمه .. قبيلة سبأ بعدا صار اسم المكان يلي هنن فيه (( مملكة سبأ )) ..
كان بين مملكة سبأ و مملكة بلقيس ( وهي مملكة تانية رح نحكي عنا بكرا ) كان بينن سد كبير بيحفظ مياه الامطار .
سبأ كانت بلد راااائعة .. الله سبحانه وتعالى أنعم على أهلها بكل شي حلو ورائع ومريح ..
اشجار حلوة ومثمرة انهار جو كتير حلو لا بارد ولا حار .. خير كتير .. لدرجة اذا بدن يسافروا من مكان لمكان مافي داعي ياخدو معن اكل وشرب لانه عالطريق رح يكون فيه كل شي من اكل وشرب .. وحتى كمان بهالمملكة ما في حشرات بتأذي يعني مثلا مافي حية او عقرب ..
اصحاب هالمملمة كانو هايشين عيشة كتير مريحة وما كانو يخافو من شي ابدا لانه هنن بمكان كتير كتير آمن .. ماكانو يخافو من حدا يعتدي عليهن او يخافو من شي خطر ..
هالمملكة كانت آمنة وهادية وحلوة وفيها خير كتير وكل يلي عايشين فيها مبسووووطين ..
الله سبحانه وتعالى عطاهن كل هاد وبس طلب منن انو يشكروه ويحمدو على هالنعم هي يلي صارت بدون اي مجهود منن او تعب ..
بس هنن للاسف رفضوا يشكروا الله وصارو يقولو انو كل هالنعم من تعبن وانو هنن يلي عملو كل هالشغلات الحلوة بهالمملكة .. والفضل الهن مو لله سبحانه وتعالى ..
وماشكروا الله ابدا ابدا بالعكس تماما ..
وهون الله سبحانه وتعالى عاقبهم على جحودن لنعمته وهدم السد وغرقت مملكتن بالمي وبعد ما كان عندن خير كتير كتير صارو بحاجة لمساعدة حتى يعيشوا وياكلو ..
ماعرفوا انو اذا بدنا نحافظ على نعم الله لازم نشكر الله عليها ونعترف انو لولا الله الرزاق ما ممكن نعمل شي لحالنا .

 نشاط القصة 

رسم مملكة سبأ قبل وبعد
 قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

السلام (أسماء الله الحسنى)

#اليوم_السادس_رمضان2017

رسالة اليوم 

هل تعلم أن الحسنات يذهبن السيئات
فلنتبع السيئة بالحسنة لتمحها وتكتب عند الله حسنة
أحبك كثيرا وفخورة بك
لاتنسى صدقة اليوم .
 سؤال اليوم 
عدد أسماء أبناء النبي محمد صلى الله عليه وسلم

 نشاط اليوم 

قم بصنع هذه الخيمة الجميلة واجعلها بيتا لالعابك

اسم اليوم 

السلام

•  السلام سلمت ذاته من العيوب وسلمت صفاته من النقص وسلمت أفعاله من الشر المطلق .
•  ومعناه أيضًا : أنه سلام أي ذو السلامة لعباده ليس في الوجود كله سلامة إلا معزوّة إليه...
•  لمعرفة طريقة اعطاء الطفل اسماء الله الحسنى اذهبي لموقعنا www.walaadarkal.com أيقونة طفلي المسلم ثم الذهاب لقسم باسم نحيا .
•  دعي طفلك يكتب جواب سؤال اليوم على دفتره الرمضاني الخاص .
•  لا تنسي مكافئته بعد صيامه .

#ولاءدركل
#للطفولةعنوان

تابع القراءة.. »

الحكم ( أسماء الله الحسنى)

#اليوم_السابع_رمضان2017

 رسالة اليوم 

أعلم بأن الصيام والطاعات قد أثقلت عليك
ولكن ثوبك عند الله سيكون كبيرا
لنتعب قليلا فالجنة تستحق منا ذلك
أحبك كثيرا وفخورة بك
لاتنسى صدقة اليوم .
 سؤال اليوم 
متى يجوز للمسلم أن يفطر في رمضان ؟
أحبك كثيرا وفخورة بك
لاتنسى صدقة اليوم .

 نشاط اليوم 

قم بصنع هذه السيارة الكبيرة كما موضح في الصورة

اسم اليوم 

الحكم

•  هو الحاكم الّذي إذا حكم لا يُردّ حكمه، وهذه الصّفة لا تليق بغير الله تعالى .
• الحكم يدلّ على العدل، لذلك كان هذا الاسم يقتضي اتّصافه عزّ وجلّ بأنّه حاكم عدل .
•  ويدل الحكم أن حكمه لا يُردّ.
• فالله تعالى هو الّذي يحكم بين عباده في الدّنيا والآخرة بعدله وقسطه، فلا يظلم مثقال ذرّة، ولا يُحمّل أحدا وزر أحد، ولا يُجازي العبد بأكثر من ذنبه، ولا يدع صاحب حقّ إلاّ أخذه؛ فهو العدل في أمره ونهيه وتقديره وتدبيره وأقواله وأفعاله وشؤونه كلّها
•  لمعرفة طريقة اعطاء الطفل اسماء الله الحسنى اذهبي لموقعنا www.walaadarkal.com أيقونة طفلي المسلم ثم الذهاب لقسم باسم نحيا .
•  دعي طفلك يكتب جواب سؤال اليوم على دفتره الرمضاني الخاص .
•  لا تنسي مكافئته بعد صيامه .

#ولاءدركل
  #للطفولةعنوان

تابع القراءة.. »

قصة الملكة بلقيس

#اليوم_السابع_رمضان_2017

 قصة اليوم 

 قصة الملكة بلقيس 

اليوم رح نرجع نحكي عن سيدنا سليمان عليه السلام .. اتذكرتوه  وقت كان عم يشمي مع جنوده وشاف وادي نمل ؟
بعد ماصار الموقف تبع النملة .. صار سيدنا سليمان يستفقد الجنود يلي موجودين .. حتى يتاكد انو الكل موجود ومافي حدا اتخلف .. وهو عم يتأكد اكتشف انو الهدهد مالو موجود مع الجنود .. كتير زعل وعصب و قال وقت يجي رح يعاقبه لأنه اتخلف .. واول ما خلص كلامه اجا الهدهد ووقف على ايده وهو كتير زعلان وندمان واعتذر انو هو ما كان وقلو انا بعتذر بس انا شفت شي وعرفت شي انت ما بتعرفو .. وهاد يلي خلاني اتأخر ..
قلو سيدنا سليمان شوفي احكيلي ؟
قلو وانا عم طير بمكان بعيد عنا اسمه اليمن لقيت مملكة بتحكمها ملكة اسمها بلقيس وكل يلي بقلب هالمملكة ما بيعبدوا الله سبحانه وتعالى .. وشي تاني كمان كتير غريب .. انو عرش هالملكة ماشفت منه ابدا .. مافي ولا ملك عندو هيك عرش ..
قال سيدنا سليمان طيب .. انا سامحتك لأنك ما اجيت بس لازم اتأكد من هالشي يلي عم تقولو ..
وهون كتبلا سيدنا سليمان رسالة للملكة بلقيس وطلب من الهدهد انو يروح يحط الرسالة على تختا .. حصرا تختا وما يخلي حدا يشوفو ..
وفعلا راح الهدهد ووقت ماكانت الملكة بغرفتها قدر انو يزت الرسالة من الشباك عتخت الملكة ..
وقت اجت الملكة عغرفتها وشافت انو في رسالة كتير اتفاجأت وسألت الخدم مين حطا الكل ماعرف كيف اجت هالرسالة هون .. فتحت الملكة الرسالة وبلشت تقرأ ووقت وصلت لآخر السطر اتغير لونا وخافت كتير كتير ..
ليه خافت وشوفي بقلب هالرسالة وشو رح يصير للملكة بلقيس وليه عرشا مختلف ؟
هاد كله بكرا رح نعرفه بتتمة القصة
استنوني

نشاط القصة

رسم الهدهد وخلي اليوتيوب يساعدك
 قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

العدل ( أسماء الله الحسنى)

#اليوم_الثامن_رمضان2017

رسالة اليوم 

هل تعلم صغيري بأن الله يحبك

وهو يحبك اكثر عندما تقوم بمساعدة الآخرين
أحبك كثيرا وفخورة بك
لاتنسى صدقة اليوم .
سؤال اليوم 
ما هي شروط الصيام ؟
أحبك كثيرا وفخورة بك
لاتنسى صدقة اليوم .

 نشاط اليوم 

قم بصنع هذه الدجاجة الجميلة باستخدام علبة البيض

 اسم اليوم 

العدل

• الحقيقة أن الله سبحانه وتعالى عدل في خلقه، وعدل في تشريعه وعدل في أمره التكويني، وفي أفعاله، أي عدل في خلقه وعدل في أمره وعدل في فعله، خلق وأمر وفعل فعدل فهو عدل.
• الله عادل في أمره:
• هو عدل في أمره، لو هناك خمسون صلاة، الله فرض علينا خمس صلوات، لو كان الصيام تسعين يوماً، آخر خمسة أيام يتمنى الإنسان أن تنتهي سريعاً، لكنه ثلاثون يوماً، كل شيء، لو فكرت بوضع آخر لعرفت حكمة الله عز
•  الله عادل في خلقه
• أما أن يكون الله عادلاً في خلقه فكل شيء خلقه الله عز وجل أخذ الوضع الأكمل، والشيء العدل هو الكامل
• ودائما ارتبط اسم الله العدل باسم الله الحكمفنقول الله الحكم العدل
•  لمعرفة طريقة اعطاء الطفل اسماء الله الحسنى اذهبي لموقعنا www.walaadarkal.com أيقونة طفلي المسلم ثم الذهاب لقسم باسم نحيا .
• دعي طفلك يكتب جواب سؤال اليوم على دفتره الرمضاني الخاص .
•  لا تنسي مكافئته بعد صيامه .

#ولاءدركل
#للطفولةعنوان

تابع القراءة.. »

الخبير (أسماء الله الحسنى)

#اليوم_العاشر_رمضان2017

 رسالة اليوم 

صياماً مقبولا يا بطل الأبطال
هل تعلم أن كلمة رمضان مشتقة من الرمض ومعناه الحر الشديد ؟
أحبك كثيرا وفخورة بك
لاتنسى صدقة اليوم .
 سؤال اليوم 
كم ركعة صلاة التراويح ؟
أحبك كثيرا وفخورة بك
لاتنسى صدقة اليوم .

 نشاط اليوم 

قم بطابعة يدك وصنع لوحة خاصة لغرفتك كما موضح في الصورة

 اسم اليوم 

الخبير

•  الخَبِيرُ من أَسماء الله عز وجل العالم بما كان وما يكون
•  الخبير هو الذى لا يخفى عليه شيء في الأرض ولا في السماء .
•  ولا تتحرك حركة إلا يعلم مستقرها ومستودعها، وهو العالم بجوهر الشيء، المطلع على حقيقته .
•  الفرق بين العلم والخَبْر .. أنَّ الخَبْر هو العلم بالمعلومات على حقائقها .. ففيه معنى زائد على العلم .
•  الله ذو خبرة وعلم بأعمال عبيده هو بجميعها محيط، لا يخفى عليه شيء، وهو مجازيهم بها، المحسن بإحسانه، والمسيء بإساءته.
•  دعي طفلك يكتب جواب سؤال اليوم على دفتره الرمضاني الخاص .
• لا تنسي مكافئته بعد صيامه .

#ولاءدركل
#للطفولةعنوان

تابع القراءة.. »

قصة أصحاب السبت

#اليوم_الثاني_عشر_رمضان2017

 قصة اليوم 

 قصة أصحاب السبت

 قصة اليوم مذكورة بسورة الأعراف وسورة النساء .
 كان يا ماكان بقديم الزمان بوقت قبل الاسلام وتحديدا بالوقت يلي كان فيه الدين اليهودي .
 اليهود طلبو من الله سبحان وتعالى انو يخصصلن يوم معين للعبادة فقط للعبادة ويرتاحو فيه ومايشتغلو فيه ابدا ابدا بس يتعبدوا ربن .. وكتير كتير اصروا بطلب هاليوم حتى الله سبحانه وتعالى استجاب لطلبن وخصصلن يوم السبت للعبادة .. وصارو دايما كل يوم سبت مايعملو فيه شي الا يتعبدوا .
 اليهود وقتا كانو يشتغلو بصيد الحيتان وهي كانت شغلتن الرئيسية.
 الله سبحانه وتعالى بيمتحنا احيانا بشغلات حتى يشوف درجة ايماننا وصبرنا ويعطينا حسنات .
 وهيك الله عمل معن امتحنن حتى يشوف قديه درجة ايمانن
 يلي صار انو الله سبحانه وتعالى جعل الحيتان كل الاسبوع ما تقرب من الشاطئ وخلاها يوم السبت تقرب من الشاطئ ويصير سهل انو تنصاد .
بس اليوم السبت اليهود ما بيشتغلو وما بيقدروا انو يصيدو هالحيتان الكتيرة يلي موجودة السبت .. وهنن يلي طلبو هاد اليوم ويلي بدن ياه صار .
 لهيك في قسم منن صاروا يعملو حيلة ..انو يخلو الشبك موجود عالشاطئ كل يوم السبت حتى يجو الحيتان ويعلقوا بقلب الشبك ويوم الأحد الصبح بياخدو هالحيتان يلي علقت .
هل تصرفن هاد صح ؟ بصير نعمل حيلة على الله سبحانه وتعالى يلي هو بيعرف كل شي وشو عم نفكر وبشوفنا وبيسمعنا حتى لو نحن ساكتين ؟
هي الحيلة كتير غلط يعملوها لأنه هالتصرف في استهزاء بالله سبحانه وتعالى ..
 وهون صارت الفتنة وصار في ٣ اقسام من الناس ..
١. القسم الاول ماعملو هي الحيلة ضلو عم يعبدو الله بهاليوم بس هنن كانو شايفين الناس يلي عم تعمل هالحيلة بس ساكتين وماقالولن انو مابصير تعملو هيك مع الله سبحانه وتعالى .
٢. القسم التاني الناس يلي ماعملت حيلة وضلت عم تعبد الله سبحانه وتعالى وكمان صارو يقولو للناس يلي عم تعمل الحيلة .. انو يلي عم تعملوه غير مقبول وماحلو وعيب وحرام .
٣. القسم الثالث الناس يلي عم تعمل حيلة على الله سبحانه وتعالى .
 وهون صارت المعجزة ونزل العقاب ..
 الله سبحانه وتعالى عاقب المجموعة يلي عملت حيلة عليه وفكرو انو الله مارح يشوفن ومارح يعرف وهيك بكون ايمانن بالله معناها مو صحيح لانه الله هو قادر يشوفنا كلنا وبيعرف بكل شي عم نعمله ونفكر فيه .
 لهيك الله عاقبن ومسخن .. يعني حولن لقرود ..
 والناس يلي كانو عم يأمروا بالمعروف وينهوا عن المنكر نجاهن وحماهن وعطاهن حسنات ورفعلن درجاتن .
 القسم الثاني مو مذكور بالقرآن شو كان مصيرن .

 نشاط القصة 

رسم تخيلي للحوت والشاطئ والناس التي تحولت لقرود
قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »

قصة الملكة بلقيس 2

#اليوم_الثامن_رمضان2017

 قصة اليوم 

 قصة الملكة بلقيس 2

اليوم رح نرجع نحكي عن سيدنا سليمان عليه السلام ونكمل قصة مبارح
بتتذكرو وين وصلنا مبارح بقصتنا؟
وصلنا لما وصل الهدهد الرسالة للملكة بلقيس
فتحت بلقيس الرسالة وقرأتها كان مكتوب فيها
أنها مرسلة من نبي اسمه سليمان وعم يطلب منهم يجو لعنده ويدخلو ويعلنو استلامها ويطيعو أوامر الله
قرأت بلقيس الرسالة على وزرائها ومستشارينها وطلبت منهم يعطوها رأيهن
واحد منهم قلها نحنا مملكة قوية وعنا جنود اشداء وبنقدر ندافع عن أنفسنا
قالتلهن لاء الحرب مو حلوة الحرب رح تدمر مملكتنا رح جرب ابعتلها هدية وإذا كان نبي عنجد اكيد مارح يقبلها لأن الملوك بحبو الهدايا
جهزت بلقيس هدايا عظيمة وبعتتها للنبي سليمان
ولما شاف النبي الهدايا قال انا مابدي هدايا انا عندي رضا الله أهم من كل أموال الكون
ولما رجعت الهدايا لبلقيس عرفت انو سليمان نبي وماله ملك عادي وقررت تستسلم وتروح هيي و وزرائها لعنده ليدخلو بدينه
وبهل وقت سأل سيدنا سليمان جنوده من الجن مين بيقدر يجبلي عرش بلقيس ؟؟ قله واحد منهم انا بجبلك ياه قبل ما تقوم من على كرسيك (كان سيدنا سليمان يقعد على كرسيه من الصبح للمسا ).
وقله واحد تاني انا بقدر جبلك العرش قبل ما تغمض عيونك وتفتحهم يعني بلمحة صغيرة
ولما وصلت بلقيس سألها سيدنا سليمان هاد عرشك ؟؟ هي كتير استغربت انو كيف وصل عرشي لهون وانا تركته باليمن؟
قلها فوتي ع القصر ولما فاتت كانت أرض القصر من بلور عم يلمع ففكرته نهر ورفعت ثوبها وصارت تمشي
قلها سيدنا سليمان هي ارض مصنوع ة من زجاج فخجلت لأنها رفعت ثوبها
وهون بلقيس اسلمت وآمنت بالله العظيم..

نشاط القصة 

رسم تخيلي لقصر سيدنا سليمان والأرض المصنوعة من الزجاج
 قصة اليوم هي معجزة صارت قبل الاسلام .. واخر معجزة كانت من الله سبحانه هي القرآن الكريم .
#للطفولةعنوان
#ولاءدركل

تابع القراءة.. »