مذكرات عائلة مع نور الأشقر . 27 .
بتذكر بأول اشتباك صار قريب منا.. خلانا نستنفر نحنا الكل.. خفنا و تلبكنا.. و دخّلنا العصافير لجوا البيت ...
بعدها على تكرار الضرب.. تحول صوت الرصاص لروتين يومي.. حتى الولاد ما عادو خافو منه..
صار مجرد صوت طبيعي بالخلفية..
إلا قطع الكهربا رغم انو هو عادة يومية ببلدنا الحبيب و صار فينا نسميه " فلكلور شعبي" و جزء من تراثنا و نمط حياتنا.. لكن بيضل أمر مزعج مو مقبول..
و بكل مرة بتنقطع فيها الكهربا منرجع منسأل نفس الأسئلة ..
" كيف زمان كانو عايشين بدون كهربا ؟ ..
معقول صرنا بعصر الهواتف الذكية و لسه الكهربا بتنقطع؟
بشو رح نسلي الولاد اليوم بفترة القطع المسائي؟ ... الخ "
حلا الصغيورة بحضني على وشك تنام..
ــ " كرم حبيبي.. عطشانة.. جبلي كاسة مي الله يرضى عليك.. "
ــ " ماما قولي لغزل.. ما بدي روح عالمطبخ ما في كهربا لإشعل الضو.. بخاف "
كل صوت هالرصاص اللي برا مو خايف منو.. و خايف من عتمة المطبخ !!
راحت غزل و جابتلي المي الله يرضى عليها..
بعد شوي.. حطيت حلا بتختها و يلا يا اخواتها الحلوين صار وقت النوم..
كرم " ماما بدي نام بتختك رفيقي قلي انو شاف بغرفته شبح العتمة و انا خايف يجي لغرفتي "
مممم مرّقت الخوف من عتمة المطبخ.. بس هي صار بدها حكي..
ــ " حبيبي كرم انت بتصدق انو سبايدر مان و زورو موجودين بالحقيقة ؟ "
ــ" لا ماما.. هدول بس بأفلام الكرتون و بالخيال "
ــ " و الشبح كمان موجود بس بخيال رفيقك.. ما بيدخل لغرفتك أبدا.. قلك كيف؟...
هي ورقة و قلم.. رح ارسم عليها رسم بسيييط كتير.. مجرد نقطتين كبار بجنب بعض متل العيون.. و تحتهم خط صغير متل التم.. و بس..
أول ما شفتهم شو تخيلتهن.؟
ــ ماما هاد وجه مبتسم
ــ صحيح.. حبيبي كرم.. عقلنا بيحتاج بس هالنقطتين و البسمة ليفكرهم فورا انهم وجه..
فينا هلأ هون بالغرفة نتخيل بالغراض أكتر من وجه..
شوف اللوحة اللي فيها وردتين.. شوف الحجار الصغار اللي ببلاط الأرض.. فينا نخترع منهن وجوه كتير..
أضواء السيارة الأمامية.. الغيوم كمان بيعملو أحيانا شكل بيشبه الوجه..
رفيقك هاد بيكون شاف غراض بغرفته بتشبه الوجه و فكرها شبح بس بالحقيقة لما تجي الكهربا و نشعل الضو.. رح نشوف انها مجرد أغراض مسكينة
بعدين قلي يا شاطر.. الشبح أقوى من ربنا شي؟
ــ لا لا ماما أبدا.. الله هو أقوى من كل شي..
ــ برافو يا بطل..
كلما حسيت انك خايف لازم تردد " حسبي الله ونعم الوكيل و استعنت بالله "
سيدنا محمد قال " حسبي الله ونعم الوكيل أمان كل خائف "..
بتعرف شو يعني حسبي؟ يعني بيكفيني و بيحميني من كل شي بخاف منه...
قولها و انت عم تفكر بمعناها..
_ و بنبرة صوت خشنة و تخينة قلتله_
( بعدها بتحس انك البطل العظييييم الشجاع اللي ما بيخاف من شي.. )
بعدين مو انت بدك تصير طيار شاطر..؟ الطيار لازم يكون شجاع كتير.. مو يخاف من العتمة "
قمري نام متطمن و مضينا ليلتنا..
و صار لازم أنا طبق هالدرس..
قلبي فاير على أيمن.. لهلأ ما رجع و تلفونو مغلق.. يا ربي طمني عليه..
حسبي الله ونعم الوكيل
حسبي الله ونعم الوكيل
أمان كل خائف..
يُتبع...
بعدها على تكرار الضرب.. تحول صوت الرصاص لروتين يومي.. حتى الولاد ما عادو خافو منه..
صار مجرد صوت طبيعي بالخلفية..
إلا قطع الكهربا رغم انو هو عادة يومية ببلدنا الحبيب و صار فينا نسميه " فلكلور شعبي" و جزء من تراثنا و نمط حياتنا.. لكن بيضل أمر مزعج مو مقبول..
و بكل مرة بتنقطع فيها الكهربا منرجع منسأل نفس الأسئلة ..
" كيف زمان كانو عايشين بدون كهربا ؟ ..
معقول صرنا بعصر الهواتف الذكية و لسه الكهربا بتنقطع؟
بشو رح نسلي الولاد اليوم بفترة القطع المسائي؟ ... الخ "
حلا الصغيورة بحضني على وشك تنام..
ــ " كرم حبيبي.. عطشانة.. جبلي كاسة مي الله يرضى عليك.. "
ــ " ماما قولي لغزل.. ما بدي روح عالمطبخ ما في كهربا لإشعل الضو.. بخاف "
كل صوت هالرصاص اللي برا مو خايف منو.. و خايف من عتمة المطبخ !!
راحت غزل و جابتلي المي الله يرضى عليها..
بعد شوي.. حطيت حلا بتختها و يلا يا اخواتها الحلوين صار وقت النوم..
كرم " ماما بدي نام بتختك رفيقي قلي انو شاف بغرفته شبح العتمة و انا خايف يجي لغرفتي "
مممم مرّقت الخوف من عتمة المطبخ.. بس هي صار بدها حكي..
ــ " حبيبي كرم انت بتصدق انو سبايدر مان و زورو موجودين بالحقيقة ؟ "
ــ" لا ماما.. هدول بس بأفلام الكرتون و بالخيال "
ــ " و الشبح كمان موجود بس بخيال رفيقك.. ما بيدخل لغرفتك أبدا.. قلك كيف؟...
هي ورقة و قلم.. رح ارسم عليها رسم بسيييط كتير.. مجرد نقطتين كبار بجنب بعض متل العيون.. و تحتهم خط صغير متل التم.. و بس..
أول ما شفتهم شو تخيلتهن.؟
ــ ماما هاد وجه مبتسم
ــ صحيح.. حبيبي كرم.. عقلنا بيحتاج بس هالنقطتين و البسمة ليفكرهم فورا انهم وجه..
فينا هلأ هون بالغرفة نتخيل بالغراض أكتر من وجه..
شوف اللوحة اللي فيها وردتين.. شوف الحجار الصغار اللي ببلاط الأرض.. فينا نخترع منهن وجوه كتير..
أضواء السيارة الأمامية.. الغيوم كمان بيعملو أحيانا شكل بيشبه الوجه..
رفيقك هاد بيكون شاف غراض بغرفته بتشبه الوجه و فكرها شبح بس بالحقيقة لما تجي الكهربا و نشعل الضو.. رح نشوف انها مجرد أغراض مسكينة
بعدين قلي يا شاطر.. الشبح أقوى من ربنا شي؟
ــ لا لا ماما أبدا.. الله هو أقوى من كل شي..
ــ برافو يا بطل..
كلما حسيت انك خايف لازم تردد " حسبي الله ونعم الوكيل و استعنت بالله "
سيدنا محمد قال " حسبي الله ونعم الوكيل أمان كل خائف "..
بتعرف شو يعني حسبي؟ يعني بيكفيني و بيحميني من كل شي بخاف منه...
قولها و انت عم تفكر بمعناها..
_ و بنبرة صوت خشنة و تخينة قلتله_
( بعدها بتحس انك البطل العظييييم الشجاع اللي ما بيخاف من شي.. )
بعدين مو انت بدك تصير طيار شاطر..؟ الطيار لازم يكون شجاع كتير.. مو يخاف من العتمة "
قمري نام متطمن و مضينا ليلتنا..
و صار لازم أنا طبق هالدرس..
قلبي فاير على أيمن.. لهلأ ما رجع و تلفونو مغلق.. يا ربي طمني عليه..
حسبي الله ونعم الوكيل
حسبي الله ونعم الوكيل
أمان كل خائف..
يُتبع...
