العد التنازلي والتصاعدي

العد التنازلي والتصاعدي

كان يا ما كان في قديم الزمان كان عنا مجموعة أرقام حلوين من الواحد للعشرة رفقات وبحبو بعض كتير كتير وساكنين ببناية فيها عشر طوابق .. كل طابق لرقم .. بس اول ما عمروا هالبناية اتخانقوا خناقة صغيرة وشوي زعلو من بعضن .. كيف بدن يقسمو هالطوابق بين بعضن ؟ مين اول طابق ومين آخر طابق وبعد ما كل رقم يقول انا انا .. اجا رقم 5 وقلن عندي الحل  يلي ما بزعل حدا .. مين أصغر واحد فينا ؟

الواحد معناها هو رح يكون أول طابق لأنه أصغر واحد .. ومين أكبر رقم فينا ؟ ال 10 هو آخر طابق لأنه بيقدر يطلع كل الدرج وما يتعب  وهيك انحلت هالمشكلة بهدوء وسلام
يلا شو رأيكن نبني درج البناية ونحط الارقام ؟ من شوية أغطية بلاستيكية مع أعواد خشبية بنينا الدرج وحطينا الأرقام كل رقم بالمكان الخاص فيه ...

وبعدا بلشنا تحديات  بتقدر ترتب الارقام من الأكبر للأصغر ؟ طيب من الأصغر للأكبر ؟ طيب رتبلي هدول الارقام بس 5 6 7 .. وخلصت لعبتنا ونحن عم نعد تصاعدي وتنازلي بكل سهولة .. وعملناها عربي وانكليزي

ولاء دركل