رسمة كل يوم
اتفقي مع ابنك انو كل يوم لازم يرسملك رسمة عن أي شي بيخطر ببالو ممكن عن يومو كيف كان أو أي شي هو عم يفكر فيه وهي الرسمة رح نعلقها حتى بابا يشوفا ..
الرسمة لازم كل يوم بغض النظر عن هاليوم كيف كان جيد او سيء بالنسبة الو
وقت كل يوم بيرسم رسمة رح يطلع كل شي جواتو وعم يفكر فيه ورح يكون عندكن موضوع تحكوا عنه وتتناقشوا فيه ورح تكتشفي تفاصيل يوم ابنك من خلال حديثه ورسمته .
احتفظي بالرسومات وترخيها ورح تكتشفي مع الوقت تطور ابنك بكتير جوانب من خلال رسوماتو ومواضيعها ..
بالمقابل ممكن انت كمان ترسمي شي عن يومك وبتحكيلو من خلالها تفاصيل يومك , حيقرب منك اكتر و يتشجع عالنقاش والرسم .
جربوها
ولاء دركل
