العد إلى الألف مع ملاقط الورق

كل الاطفال بيعرفوا أنو ال 100 أكبر من العشرة بس مو كلن بيعرفو الفرق بينن بشكل ملموس 

نشاطنا اليوم انو نشوف الفرق بين ال 10 و 100 و 1000 بطريقة ملموسة .

جبنا من ملاقط الورق عدد كبير .. وبلشنا عملنا منن 10 وعرفنا ال 10 فيها 10 ملاقط .

بعدين عملنا ال 100 وعرفنا انو ال 100 فيها 10 عشرات من هالملاقط وال 100 طلعت حبل طويل كتير وعرفنا شو يعني 100 وقديه بتمثل ككمية.

هلأ عم نشتغل عال 1000 يلي هي 10 من حبل ال 100 ورح يكون عنا حبل جدا طويل .

هالنشاط جدا أثار تفكير ابني وصار بس بدو يخلص ال 1000 ليشوف الفرق بين ال 1000 و ال 100 .

النشاط بساعد عالتركيز والصبر والهدوء لأنه الملاقط صغيرة الحجم وبدا تركيز عالي 

  😊منحطلكن صورة ال 1000 لتخلص