يومي الأول بالمدرسة ( نشاط ٣)

 النشاط الثالث ليومي الأول في المدرسة  

 كل معلمة بتحب تعرف أدق التفاصيل عن طلابها وكل أم بتتمنى اتضل عم تحكي مع المعلمة 5 ساعات حتى تقلا كل شي عن ابنا ..  

 لهالسبب عملنا انا وكنان البطل مقابلة تلفزيونية وسألته كتير أسئلة واسمعت أجوبة ضحكتني وأجوبة بعرفا لأول مرة ..  واتساعدنا أنو نكتب بعض هالمعلومات بقلب كتيب صغير خاص بكنان  وناخدو معنا أول يوم المدرسة ونعطيه للمس حتى تعرف عنا كل شي ويكون كتيب حلو بمكتبة الصف ..  

 كل أول سنة رح نعمل كتاب صغير عنا ونشوف قديه عم نكبر وكل صفاتنا عم تتغير معنا وتكبر ..  

 النشاط بيحتاج قطع فلينية وقلم فولماستر وولد لذيذ يحكي كل شي بدو 

ولاء دركل