يومي الأول في المدرسة ( نشاط ١)

بنقاش ظريف مع كنان يلي عم يستعد للمدرسة بعد كم يوم ..  

سألته شو بدك تحكيلن لرفقاتك والمس؟  

فكان الجواب انو بدي قلن كل شي عملته بالصيف بس ماما بتعرفي؟ 

يمكن استحي احكي لأني ما بعرفن كلن خلص خلص بلاها .. 

لا شو بلاها تعا نفكر بحل حتى تتشجع تحكي 

وهون طلعت الفكرة من كنان البطل انو يرسم شو عمل بالصيف حتى يتذكر وقت يشوف الصور ويتشجع يحكي لرفقاته ويورجيهن ..  

      النشاط الأول ليومي الأول في المدرسة ه 

 نحتاج لصحون كرتونية ..  مع ألوان مائية وألوان فولماستر ..  وما بدنا ريشة لأنه رح نستخدم اصبعتنا عوضا عنها هههه حتى ننبسط أكثر ..  

 كل صحن رح نرسم عليه أهم شي عملناه بالصيفية والرسمات أبدا ما ضروري تكون متقنة بكفي متعة الطفل يرسم بإيدو ويحكيلك أحلى شي صار بالصيفية بالنسبة الو ..  

ولاء دركل