اليوم لح نحكي شوي عن القواعد الي لازم تكون بغرف الأطفال بشكل عام
لح بلش معكم بمعلومة كلنا منعرفها لازم يكون بغرفة الطفل شباك مشان ادخال الضو الطبيعي و الشمس بحيث تكون صحية و مشان نقدر نغير هوا الغرفة بانتظام هاد شي ضروري..
في بعض الناس الي ساكنين بدول الخليج قالولي انهم ما بيفتحوا شبابيكون مشان الغبرة و الرطوبة فانا جاوبتون انه من ضروري ولو حتى عشردقايق كل يوم فتح الشباك وتغير هواء الغرفة .
من ضروري يكون بالغرفة مساحة للعب يقدر الولد يلعب ما يضطر ياخد العابه لغرفة القعدة و يلعب فيها ( هلق الطفل الا ما ياخد لعبة على غرفة القعدة يلعب فيها هاد شي طبيعي بس بينما ياخد لعبة او تنتين بينما تكون معظم العابه بغرفة الجلوس )
مساحة اللعب بتعطي حرية للطفل يتنفس فيها يعيش فيها مع العابه بحيث ما تكون وظيفة غرفة الطفل النوم و كتابة وجبات المدرسية و مايصدق ايمتى يطلع منها ..
مساحة اللعب مو شرط تكون كبيرة لا ابدا اذا خصصتي مكان و هيئتيه ليكون مساحة لعب يعني صناديق تخزين الألعاب تكون حولين هالمكان مثلا حطيتي سجادة مختلفت اللون بهالمكان هيك عززتي لطفل فكرة مكان اللعب بغرفته .
اهم شي تهيئة الغرفة لتكون آمنة لطفل بمعنى الأرضية انا بفضلها تكون باركيه ( خشب ) او اسفنجية
مداخل الكهربا تكون من نوع محمي المخصص لغرفة الأطفال
الشباك يكون عليه قفل او حديد من بر او من نوع يلي بيشق شق مو بيفتح على مصراعيه
هي التفاصيل مو بس للأطفال الصغار بتمتد معك لحتى الاطفال المرحلة الاعدادية
