ديكور البيت من اهم العوامل النفسية بحياة الفرد و ذلك لأن لها تأثير على الحالة النفسية للفرد
مثال : الغرف المزدحمة بالأثاث و التفاصيل الكثيرة يكون لها تأثير سلبي على الحالة النفسية للفرد ..
يعني مثلا صارت معك شي مرة و زرتي جارتك و لقيتي بيتها معجوق كتير بالكنب ، اللوحات ، الفازات و اضواء ؟؟
ما بتحسي حالك مخنوقة من العقدة و مالك مصدقة ايمتى تطلعي من هالغرفة مع العلم صاحبة البيت حبابة و لطيفة معك ؟؟
أو زرتي صديقتك و ماكان في بالغرفة غير كنبايتين و طاولة فقط بتحسي بفراغ وملل و من دون قصد و من دون ما تشعري بتصيري بتنصحي رفيقتك بشراء المزيد من الأثاث
صارت معك ؟؟
من هون كان تصميم الغرف مهم جدا للحالة النفسية الك و لزوجك و لأطفالك
غرفة الطفل هي أهم عنصر بمرحلة الطفولة لأنها عالمه وقت لعب وقت الحزن وقت يفرح و مشان هيك لازم تكون تناسب شخصيته أو شخصيتهم ..
هون بيجي دوري و الهدف من فقرتي الجديدة لأتناقش معك بتصميم غرف أطفالكم من ألوان المقترحة لجدران وصولا لتوزيع الفرش و الاكسسوارات ...
ان شاء الله تعجبكم زاويتي الجديدة
معكم ربا الخاني مصممة داخلية ( مهندسة ديكور )
وتذكروا دوماً انو الهدف من فقرتي هو الوصول الى طفل يشعر بالانتماء لبيته و غرفته لتكون أحلا محطة بزكريات طفلك
