مذكرات عائلة . 24 .
حماتي
أصل المحبة اللي كبرت الها بقلبي.. نابعة من محبة أيمن..
و متل كل سما صافية.. لا بد يمر فيها غيوم.. تمطر و ترعد و تبرق أحيانا..
بس بيضل الأصل هو الصفا..
أصل المحبة اللي كبرت الها بقلبي.. نابعة من محبة أيمن..
و متل كل سما صافية.. لا بد يمر فيها غيوم.. تمطر و ترعد و تبرق أحيانا..
بس بيضل الأصل هو الصفا..
بين جيل أمهاتنا و حماواتنا و جيلنا نحنا.. أكيد في اختلافات..
الدنيا تغيرت و الناس تغيرو.. و بدل الخوف الواحد صار عنا ألف..
الدنيا تغيرت و الناس تغيرو.. و بدل الخوف الواحد صار عنا ألف..
أحياناً.. بدون ما يشعرو.. بيطالبوكي بتطبيق خبرتهن المتراكمة من سنين بالتربية.. على تربيتك لولادك هلأ..
غالباً ما بتقدري تنالي رضاهن لأنهن بيشوفوكي متل ما بتشوف الأم ابنها..
مهههماااا كبر و اشتد عوده.. بيضل بنظرهم الصغير قليل الخبرة..
غالباً ما بتقدري تنالي رضاهن لأنهن بيشوفوكي متل ما بتشوف الأم ابنها..
مهههماااا كبر و اشتد عوده.. بيضل بنظرهم الصغير قليل الخبرة..
و أنا.. بعد عدة مواقف.. عرفت انو هااد هو الوضع الطبيعي..
الها مني الاحترام.. و حقها على راسي.. بتعلم منها كتيير شغلات و بستأنس برأيها بكتيير مواقف..
بس تبقى التربية هي مسؤوليتي.. و خياراتي أنا..
الها مني الاحترام.. و حقها على راسي.. بتعلم منها كتيير شغلات و بستأنس برأيها بكتيير مواقف..
بس تبقى التربية هي مسؤوليتي.. و خياراتي أنا..
ما أحلاها لما تكون رايقة..
بس أحيانا بتجي عناصر خارجية.. أشخاص فضوليين.. مفكرين انهم حاملين بطاقة صلاحية التدخل بكل شي حواليهم..
بيشغلوها بأسئلتهم و " بيرمو بلا " بيني و بينها..
بس أحيانا بتجي عناصر خارجية.. أشخاص فضوليين.. مفكرين انهم حاملين بطاقة صلاحية التدخل بكل شي حواليهم..
بيشغلوها بأسئلتهم و " بيرمو بلا " بيني و بينها..
اليوم نحنا عندها.. و عندها رفيقتها.. و أنا بالمطبخ عم حضر الضيافة..
بتجي لعندي بنتي غزل عم تنقّل خطواتها بهدوووء..
بتفوت عالمطبخ و بتهمسلي..
ــ " ماما.. ماما.. تيتة و رفيقتها عم يحكو عنك.. عم يقولو انـ.... "
ــ " شششش غزل.. أول قوليلي.. عم يحكو كلام حلو و لا بشع ؟ "
ــ" ممممم هيك و هيك.. "
ــ" غزولتي.. الشخص اللي بيسمع كلام حدا و بينقلو لحدا تاني.. ماا حدا بيحبو.. و لا حدا بيوثق فيه ..
هي اسمها نميمة..
حرام المسلم يعملها..
تخيلي كلامهم الحلو بيشبه الأكل الحلو..
و كلامهم البشع بيشبه الأكل الخربان كريه الرائحة..
انتي بتاخديه من عندهم و بتنقليه لعندي..
و أنا ما برضى آكل أكل خربان..
لهيك.. يلا يا شطورة طعميني أكل حلو.. و قوليلي شو قالو عني كلام حلو؟ "
ــ" ممممم تيتة قالت انو انتي طبخك لذيذ.. و انها بتحب اهتمامك برتابتنا و نظافتنا و مممم قالت انو بابا بيحبك "
بتجي لعندي بنتي غزل عم تنقّل خطواتها بهدوووء..
بتفوت عالمطبخ و بتهمسلي..
ــ " ماما.. ماما.. تيتة و رفيقتها عم يحكو عنك.. عم يقولو انـ.... "
ــ " شششش غزل.. أول قوليلي.. عم يحكو كلام حلو و لا بشع ؟ "
ــ" ممممم هيك و هيك.. "
ــ" غزولتي.. الشخص اللي بيسمع كلام حدا و بينقلو لحدا تاني.. ماا حدا بيحبو.. و لا حدا بيوثق فيه ..
هي اسمها نميمة..
حرام المسلم يعملها..
تخيلي كلامهم الحلو بيشبه الأكل الحلو..
و كلامهم البشع بيشبه الأكل الخربان كريه الرائحة..
انتي بتاخديه من عندهم و بتنقليه لعندي..
و أنا ما برضى آكل أكل خربان..
لهيك.. يلا يا شطورة طعميني أكل حلو.. و قوليلي شو قالو عني كلام حلو؟ "
ــ" ممممم تيتة قالت انو انتي طبخك لذيذ.. و انها بتحب اهتمامك برتابتنا و نظافتنا و مممم قالت انو بابا بيحبك "
ــ" طيب يا شطورة.. هلأ روحي لجوا مع اخواتك.. و خلي تيتة تاخد راحتها مع رفيقتها.. "
طبعا أنا من جواتي أكلني الفضول و احترق دمي و صار يغلي لأعرف شو الكلام اللي مو حلو اللي انقال عني..
و غزل كانت مراسل بريء ممتاز للحكي اللي عم يدور بالصالون..
ضبطت نفسي بالزوووررر
ما بدي اشبع فضولي لخمس دقايق.. و اخرب أخلاق بنتي لسنين.. و تتعود على نقل الكلام و تربى معها النميمة..
و غزل كانت مراسل بريء ممتاز للحكي اللي عم يدور بالصالون..
ضبطت نفسي بالزوووررر
ما بدي اشبع فضولي لخمس دقايق.. و اخرب أخلاق بنتي لسنين.. و تتعود على نقل الكلام و تربى معها النميمة..
سنة الكون انو ما في حدا بيعجب حدا مية بالمية..
دائما في ملاحظات و اعتراضات..
أصلا لكل واحد فينا شكل.. و ملامح.. و بصمة منفرد فيها.. فمن الطبيعي نكون مختلفين بآراءنا.. توجهاتنا.. أذواقنا و طريقة حياتنا...
دائما في ملاحظات و اعتراضات..
أصلا لكل واحد فينا شكل.. و ملامح.. و بصمة منفرد فيها.. فمن الطبيعي نكون مختلفين بآراءنا.. توجهاتنا.. أذواقنا و طريقة حياتنا...
و الشخص الأوعى... الأطيب.. هو اللي بيستوعب هالاختلاف و بيحتويه..
منستفيد من خبرة الكبار بحياتنا اي..
بس ما لنا ملزمين أبدا.. نكرر أخطاءهن.. لمجرد انو هنن " الكبار" ..
بس ما لنا ملزمين أبدا.. نكرر أخطاءهن.. لمجرد انو هنن " الكبار" ..
يتبع...
نور الأشقر
نور الأشقر