يوميات طفل
اول عشر دقايق من بعد رجعته من المدرسة بتكون كلا حب واشتياق وحكي هههه و بعدا بتبلش المنائرة يلا غسل .. غير تيابك .. بسرعة عالغدا .. وبضل عم عيد هالاسطوانة وهو عم يقابل كلامي ببرود وممكن يشوف غراض البيت غرض غرض وكأنه أول مرة بفوت على بيته ولا انو يخلص هالمهام بسرعة
كنان كنان في لعبة حلوة تلعب ؟
ايه ايه شوووووو
لعبة الوقت .. منشغل التايمر على 20 دقيقة بتقدر تغسل وترتب تيابك وتجهز حالك وتجي عالأكل قبل ما يصير التايمر عالصفر ؟ ؟
طبعا بقدر يلا بلشي
وقت صار التايمر عالعشرة كان كنان جاهز وعين الله عليه
ماشالله كيف قدرت ؟ كيف انت سريع طلعت أسرع من الوقت مو معقول
عنجد ماما ؟ ايه ايه أسرع انا .. تعيدي اللعبة
كتير مواقف بكون اسهل علينا ننزل لعندن من انو نطلعن لعنا
ولاء دركل
