مذكرات عائلة مع نور الأشقر . 28 .
قد ما كنت أنا حريصة و منتبهة لولادي.. لازم أبداً ما انسى ادعيلهم و استودعهم بحفظ الله.. ممكن الخطر يصيبهم و هنن بحضني .. و ممكن الله يسلمهم من خطر قريب حتى لو كانوا بعاد عن عيني..
هالشي عم حاول اتذكرو كل يوم.. خصوصاً مع التوترات اللي معبية البلد و مع قصص الخطف الكترانة.. و اللي كل قصة أبشع من اختها يا لطيف..
مشوارنا اليوم مع أهل أيمن للحديقة اللي بجنب بيتهم.. نشمّ هالنسمة الصيفية الحلوة.. و نغيّر جوّ ..
قعدنا تحت هالشجرة و فردنا أكلاتنا..
غزل أخدت بسكويتة و رمت قشرتها بالأرض..
غزل!! انتي اللي عم تعملي هيك !! كم مرة حكينا و نبهنا؟
قد ما كنت أنا حريصة و منتبهة لولادي.. لازم أبداً ما انسى ادعيلهم و استودعهم بحفظ الله.. ممكن الخطر يصيبهم و هنن بحضني .. و ممكن الله يسلمهم من خطر قريب حتى لو كانوا بعاد عن عيني..
هالشي عم حاول اتذكرو كل يوم.. خصوصاً مع التوترات اللي معبية البلد و مع قصص الخطف الكترانة.. و اللي كل قصة أبشع من اختها يا لطيف..
مشوارنا اليوم مع أهل أيمن للحديقة اللي بجنب بيتهم.. نشمّ هالنسمة الصيفية الحلوة.. و نغيّر جوّ ..
قعدنا تحت هالشجرة و فردنا أكلاتنا..
غزل أخدت بسكويتة و رمت قشرتها بالأرض..
غزل!! انتي اللي عم تعملي هيك !! كم مرة حكينا و نبهنا؟
"ماما أصلاً الأرض وسخة.. مو بس أنا اللي رميت بالأرض.."
" كم مرة حكينا إنا ما منقلد الأخطاء .؟ و كل واحد رح ياخد السيئة عالورقة اللي رماها؟ "
ما بعرف وين الحكي بيروح !!
" آسفة ماما رح شيلها "
بعد الحكي و الدردشة مع البزر و الشاي و الكعكات.. أخدت حلا و كرم لمكان الألعاب..
وقفت انتظر المرجوحة ليصير دور حلا.. و كرم ورايي عم يتزحلق عاللعبة مع الأطفال..
بثواني قليلة لبين ما قعدت حلا بالمرجوحة و بديت هزها هزتين .. التفتت لشوف كرم..!! ما لقيتو..!!! كذبت عيوني و رجعت دورت.. ما في حدا!!
دقات قلبي صارو مليون.. و أنفاسي تلهث و اصرخ و ناديلو.. كرم !! كرم !! و ما اجا لبالي غير الخطف و يغلي دمي و يفور أكتر..
حملت حلا و ركضت دور عليه..
شوي و اسمع صوتو.. " ماما ماما أنا هون..!!"
وين هون..؟ تلفتت حواليي لقيتو طالع عالشجرة و علقان فوق !!
صرخت فيه " شو طالعك لفوق !! بلكي وقعت و أذيت حالك يا مشاغب !! "
" ماما بدي شوف الألعاب من فوق متل الطيار " بس علقت ما قدرت انزل "
آاااه منك !!!!!!!!!
ناديت أيمن و اجا ساعد كرم
" وسخت حالك يا بابا " و نزلو و هو عم يضحك!!
" هلأ خفت يتوسخ.. ما خفت يوقع و يكسر ايدو ؟!! "
أنا اللي أكلت الفورة لحالي و صار وشي متل البندورة..
بيتطلع فيي أيمن و بيضحك.. طولي بالك ما صار شي.. شقاوة ولاد..
تعالي نتمشى جنب البحرة..
صرت عاتب حالي.." يا الله معقول أنا ما عم أعرف علمهن.. بحكي و بنبه و بعيد و بيرجعو بيعيدو كأني ما عملت شي !! .. ببحث بمواقع التربية و بحاول طبق كل شي بيساعدني و برجع بحس انو هنن بمكان و ولادي بمكان "
قلي أيمن.." ريحان.. سمعتي عن مريض بيتعافى من أول حبة ؟
أوقات المريض عنا بيحتاج علبة دوا كاملة و علبتين و ثلاثة ليبدا يلاقي نتيجة..
دائما العلاج بدو صبر و تكرار محاولة..
انتي عم تعملي جهدك.. بس الولد ذاكرته قصيرة
و لما بتغريه المحاولة بينسى كل شي تعلمو منك.. كرمال يجرب و يرضي شغفه..
مرات بينسى و مرات لا و مرات بيتعلم من غلطه..
بس الوصفة الناجحة لحتى تعلميه هي ( الصبر و التكرار )..
لا تفوري دمك.. جايين ننبسط..
بعدين ياما عامل هالفصل بأهلي و أنا صغير
ابتسمت.. ممم ايوة يعني كرم مو طالع لحدا غريب ...
ضحكنا.. و مرق هالمشوار على خير...
يتبع...
" آسفة ماما رح شيلها "
بعد الحكي و الدردشة مع البزر و الشاي و الكعكات.. أخدت حلا و كرم لمكان الألعاب..
وقفت انتظر المرجوحة ليصير دور حلا.. و كرم ورايي عم يتزحلق عاللعبة مع الأطفال..
بثواني قليلة لبين ما قعدت حلا بالمرجوحة و بديت هزها هزتين .. التفتت لشوف كرم..!! ما لقيتو..!!! كذبت عيوني و رجعت دورت.. ما في حدا!!
دقات قلبي صارو مليون.. و أنفاسي تلهث و اصرخ و ناديلو.. كرم !! كرم !! و ما اجا لبالي غير الخطف و يغلي دمي و يفور أكتر..
حملت حلا و ركضت دور عليه..
شوي و اسمع صوتو.. " ماما ماما أنا هون..!!"
وين هون..؟ تلفتت حواليي لقيتو طالع عالشجرة و علقان فوق !!
صرخت فيه " شو طالعك لفوق !! بلكي وقعت و أذيت حالك يا مشاغب !! "
" ماما بدي شوف الألعاب من فوق متل الطيار " بس علقت ما قدرت انزل "
آاااه منك !!!!!!!!!
ناديت أيمن و اجا ساعد كرم
" وسخت حالك يا بابا " و نزلو و هو عم يضحك!!
" هلأ خفت يتوسخ.. ما خفت يوقع و يكسر ايدو ؟!! "
أنا اللي أكلت الفورة لحالي و صار وشي متل البندورة..
بيتطلع فيي أيمن و بيضحك.. طولي بالك ما صار شي.. شقاوة ولاد..
تعالي نتمشى جنب البحرة..
صرت عاتب حالي.." يا الله معقول أنا ما عم أعرف علمهن.. بحكي و بنبه و بعيد و بيرجعو بيعيدو كأني ما عملت شي !! .. ببحث بمواقع التربية و بحاول طبق كل شي بيساعدني و برجع بحس انو هنن بمكان و ولادي بمكان "
قلي أيمن.." ريحان.. سمعتي عن مريض بيتعافى من أول حبة ؟
أوقات المريض عنا بيحتاج علبة دوا كاملة و علبتين و ثلاثة ليبدا يلاقي نتيجة..
دائما العلاج بدو صبر و تكرار محاولة..
انتي عم تعملي جهدك.. بس الولد ذاكرته قصيرة
و لما بتغريه المحاولة بينسى كل شي تعلمو منك.. كرمال يجرب و يرضي شغفه..
مرات بينسى و مرات لا و مرات بيتعلم من غلطه..
بس الوصفة الناجحة لحتى تعلميه هي ( الصبر و التكرار )..
لا تفوري دمك.. جايين ننبسط..
بعدين ياما عامل هالفصل بأهلي و أنا صغير
ابتسمت.. ممم ايوة يعني كرم مو طالع لحدا غريب ...
ضحكنا.. و مرق هالمشوار على خير...
يتبع...
نور الأشقر
