Sight words

فقرة ABC Cubes 

Sight Words ( كلمات النظر )

طريقة معتمدة بالمناهج الأميركية والبريطانية بتشجع الطفل على القراءة المبكرة وبتخلي عنده مخزون كبير من الكلمات البسيطة ..

هالطريقة تطبق من عمر 4 سنوات وقبل حتي ما يعرف الطفل كل الحروف .. 

بتعتمد الطريقة على عرض كلمات بسيطة مهمة ومكررة جداً بمعظم الجمل الإنكليزية ..

مثل Can  / The / a / I / see / we 

هدف هي الطريقة انو تخلي الطفل يحفظها كشكل ولما يمر عليها بأي جملة مايوقف ويهجيها لازم فورا يقرأها ومن أول نظرة

الحلو بهي الطريقة هي انو الطفل بصير بيعرف كلمات قبل مايعرف الحروف كاملة وبيقدر يقرأ جمل بسيطة وهون رح تزيد ثقته بنفسه كتير ويعتبر حاله صار كبير ويقرأ .. 

بتمنى اتطبقو هي الطريقة مع أطفالكن .. 

انا وكنان كتبنا الكلمات يلي اخدن بالمدرسة وخليناهن بغرفته واضحين حتى ما ينساهن ..  وعملنا للحرف الصوتي ( a ) ظرف خاص فيه بيحوي على كلمات في هاد الصوت .. و كل يوم مرة وحدة منفتح الظرف ومنقرأ الكلمات ..  وهيك رح يصير عنا كلمات كتيرة نحن قادرين نقرأها ومع العلم انو الحروف الإنكليزية لسا ما اخدوها كلا 

ارفقت مع  ضمن الصور صورة وصلتني من المدرسة بتبين طرق تعليم الطفل الحروف بالبيت بتمنى انو تفيدكن ..

ولاء دركل